Millimizin üzvü Namiq Ələsgərov "Bursaspor"un heyətində Türkiyə 1-ci liqasında növbəti qolunu vurub.
Press.az xəbər verir ki, 26 yaşlı yarımmüdafiəçi 15-ci turda "Denizlispor"la səfər oyununda fərqlənib.
Start heyətində meydana çıxan Ələsgərov 40-cı dəqiqədə komandasının 2-ci qoluna imza atıb. O, 88-ci dəqiqədə əvəzlənib. Görüş "Bursaspor"un 3:1 hesablı qələbəsi ilə başa çatıb.
Bu nəticədən sonra xalını 17-yə çatdıran "Bursaspor" 13-cü pilləyə yüksəlib.