"Qarabağ"ın baş məşqçisi Qurban Qurbanov komandanın zədəli futbolçusu Kevin Medinanın sondurumu haqda danışıb.
Press.az xəbər verir ki, o, kolumbiyalı müdafiəçinin zədəsinin ciddi olmadığını deyib: "Dünən məşqin sonunda ağrı hiss etdi. Bu gün 2 dəfə MRT müayinəsindən keçdi. Həkimlərin sözlərinə görə, zədə ciddi deyil. Bu, bizə ümid verdi. Onun əzələsində cuzi qanaxma var. İki gündən sonra bizə tam dəqiq verəcəklər. İsveçrədə "Bazel"lə matçda oynamaq şansı 50/50-dir".