Konte onu "Tottenhem"ə gətirir

"Tottenhem" “İnter”in futbolçusu İvan Perişiçi heyətinə qatmaq niyyətindədir.

Press.az xəbər verir ki, 32 yaşlı hücumçunun keçidi ilə London klubunun baş məşqçisi Antonio Konte xüsusən maraqlanır. O, A seriyasında da Perişiçlə birlikdə çalışıb.

Yenidən Almaniyaya qayıtmaq istəməyən forvard Milan təmsilçisi ilə müqaviləni uzatmaqla bağlı danışıqlar aparır. Lakin İngiltərədə oynamaq variantı da olan Perişiç daha sərfəli şərtlər irəli sürəcək kluba üstünlük verəcək.

Qeyd edək ki, cari mövsümün 17 matçında 3 qol vuran İvanın müqaviləsi 2022-ci ilin yayında başa çatacaq.