First slide

Biləsuvarda oğurluq etməkdə şübhəli bilinən dəstə saxlanılıb

26 Nov 2021 rating_stars rating_stars rating_stars rating_stars rating_stars

Biləsuvarda aptek və mağazalardan oğurluq edən keçmiş məhkum saxlanılıb.

Bu barədə Press.az-a DİN Mətbuat Xidmətinin Lənkəran regional qrupundan məlumat verilib.

Məlumatda bildirilib ki, Biləsuvar Rayon Polis Şöbəsinin (RPŞ) əməkdaşlarının keçirdikləri əməliyyat-axtarış tədbirləri nəticəsində ayrı-ayrı vaxtlarda rayon ərazisindəki 2 aptek və mağazadan oğurluq etməkdə şübhəli bilinən şəxs müəyyən edilərək saxlanılıb.

Araşdırmalarla onun Cəilabad rayon sakini, əvvəllər məhkum olunmuş Elməddin Kərimov olduğu müəyyən edilib.

Həmin şəxsin daxil olduğu obyektlərdəki kassalardan ümumilikdə 4 437 manat nağd pul oğurladığı məlum olub. Saxlanılan şəxsin ətrafında aparılan əlavə əməliyyat-axtarış tədbirləri ilə onun Cəlilabad rayonu ərazisində yerləşən bir aptekdən də gecə saatlarında 220 manat pul oğurladığı müəyyən edilib.

Biləsuvar RPŞ-nin əməkdaşlarının keçirdikləri digər əməliyyat-axtarış tədbirləri ilə yük avtomobillərinin akkumlyatorlarını oğurlamaqda şübhəli bilinən rayon sakinləri M.Nağıyev, N.Əliyev və S.Əzimzadə saxlanılıblar. Onların iki ədəd yük maşınından 600 manat dəyərində olan dörd ədəd akkumlyator oğurladıqları müəyyən edilib.

Faktlarla bağlı araşdırma aparılır

Oxşar xəbərlər
Category news

tr_star

05 Dec 2021

OTACI
OTACI