"Sabah"dan uğurlu seriya

"Sabah" məğlubiyyətsiz oyunlar seriyasını 4-ə yüksəldib.

Press.az xəbər verir ki, Bakı təmsilçisi Premyer Liqada son 4 oyundur məğlub olmur. Ramin Quliyevin istefaya göndərilməsindən sonra "Sabah" 8-ci turda "Sumqayıt"ı 3:0, 9-cu turda "Qəbələ"ni 3:1 hesabı ilə məğlub edib. Komanda 10-cu turda "Zirə" ilə heç-heçə edib- 3:3. "Sabah" son olaraq bu gün 11-ci turda "Neftçi"yə 2:1 hesabı ilə qalib gəlib. Komandanı Premyer Liqada son iki oyuna yeni baş məşqçi Murad Musayev çıxarıb.

Qeyd edək ki, "Neftçi" üzərində qələbədən sonra "Sabah" turnir cədvəlində sonuncu pillədən qurtularaq 11 xalla 5-ci pilləyə yüksəlib.