Sərhəddə törədilən təxribat zamanı erməni tərəfi 20-dən artıq ölü və 100-ə yaxın yaralı verib

Noyabrın 16-da genişmiqyaslı təxribat törətməklə qısa müddətli üstünlüyə nail olmaq istəyən Ermənistan hərbi bölmələrinin hücumu əməliyyat-taktiki baxımından tam iflasa uğradı.

Press.az məlumatlı mənbəyə istinadən xəbər verir ki, həmin təxribat zamanı erməni tərəfi 20-dən artıq ölü və 100-ə yaxın yaralı verib.

Qeyd edək ki, Ermənistan tərəfinin itkin kimi qeyd etdiyi şəxslər hələ də tapılmayıb.

Xatırladaq ki, noyabrın 19-da Azərbaycan tərəfi Ermənistanın dövlət sərhədində törətdiyi təxribat zamanı məhv edilən erməni hərbçilərdən daha üçünün cəsədini qarşı tərəfə verib.