Şəkidə avtomobil piyadanı vuraraq öldürüb

Şəki şəhərində ölümlə nəticələnən yol qəzası baş verib.

Report-un Şimal-qərb bürosunun məlumatına görə, hadisə bu gün səhər saatlarında şəhərin Salman Mümtaz küçəsində qeydə alınıb.

Belə ki, hərəkətdə olan "VAZ-2106" markalı avtomobil yolu keçmək istəyən piyadanı vurub. Nəticədə hələ ki şəxsiyyəti məlum olmayan yaşlı kişi hadisə yerində ölüb.

Faktla bağlı araşdırma aparılır.