Rusiyada koronavirusa gündəlik yoluxmada YENİ REKORD

Rusiyada son sutka ərzində 37 min 930 nəfər koronavirusa yoluxub.

Press.az xəbər verir ki, bu pandemiya dövründə Rusiyada qeydə alınan ən yüksək göstərici olub. Oktyabrın 23-də 37 min 678 yoluxma qeydə alınmışdı. Eyni zamanda ölkədə son sutkada 1 069 nəfər vəfat edib. Oktyabrın 23-də 1 075 nəfər virusun qurbanı olmuşdu.

Bugünədək Rusiyada koronavirusa yoluxanların sayı 8,27 milyon nəfəri, ölənlərin sayı isə 231 min nəfəri ötüb.

Qeyd edək ki, yoluxma hallarının artması ilə əlaqədar paytaxt Moskvada və bir sıra digər regionlarda oktyabrın 30-dan noyabrın 7-dək qapanma elan edilib.