Salah Droqbanın rekordunu qırdı

"Liverpul"un futbolçusu Məhəmməd Salah Premyer Liqada yeni rekorda imza atıb.

Press.az xəbər verir ki, 29 yaşlı hücumçu buna 9-cu turda "Mançester Yunayted"lə görüşdə het-trik etməklə nail olub. Nəticədə misirli futbolçu çempionatda 107-ci qolunu vurub. Bununla da Salah Premyer Liqada ən çox qol vuran afrikalı oyunçu adını qazanıb. 

Daha əvvəlki rekord "Çelsi"nin və Kot-d'İvuar millisinin sabiq futbolçusu Didye Droqbaya məxsus idi (104 qol). 

Qeyd edək ki, "Liverpul" ötən gün rəqibinə 5:0 hesabı ilə qalib gəlib.