Şirvanda evdən 8 min manatlıq oğurluq edilib

Şirvanda evdə oğurluq hadisəsi olub.

Bu barədə Press.az-a Daxili İşlər Nazirliyinin (DİN) Mətbuat Xidmətindən məlumat verilib.

Bildirilib ki, Şirvan Şəhər Polis Şöbəsi əməkdaşlarının keçirdikləri əməliyyat-axtarış tədbirləri nəticəsində oktyabrın 17-də şəhər ərazisindəki evlərin birindən 8 066 manat dəyərində məişət əşyaları oğurlamaqda şübhəli bilinən Şirvan sakini, əvvəllər məhkum olunmuş E.Rüstəmov saxlanılıb.

Şəxsi axtarış zamanı ondan heroin aşkar edilərək götürülüb.