Press.az xəbər saytı 07.06.2023-cü il tarixindən müvəqqəti olaraq fəaliyyətini dayandırmışdır.
First slide

Aeroport yolundakı ağır qəzaya səbəb olan 19 yaşlı sürücü saxlanıldı

13 Oct 2021 rating_stars rating_stars rating_stars rating_stars rating_stars

Bakıda sərnişin avtobusunun qəzasına səbəb olan yük maşınının sürücüsü saxlanılıb.

Press.az xəbər verir ki, bu barədə Bakı şəhər Baş Polis İdarəsinin Dövlət yol Polisi İdarəsindən məlumat verilib.

Məlumatda bildirilir ki, qəzaya səbəb olan yük maşınının sürücüsü, 2002-ci il təvəllüdlü Əzizov Mahmud Babagözəl oğlu saxlanılıb.

Saxlanılan şəxs Qobustan rayon sakinidir.

Qeyd edək ki, Hava limanı-Mərdəkan yolunun Suraxanı dairəsi adlanan hissəsində ağır yol nəqliyyat hadisəsi baş verib. Mərdəkan istiqamətində hərəkətdə olan 99 DH 343 DQN-lı “Mercedes” markalı yük avtomobili “Ayşən LTD” şirkətinin müvəqqəti istismarında olan, 171 nömrəli müntəzəm marşrut xətti üzrə 10 TH 116 DQN-lı sərnişin avtobusuna çırpılıb.

İlkin məlumata görə, hadisə yük avtomobili sürücüsünün sükan arxasında yuxulaması səbəbindən baş verib. Belə ki, sürücü yuxuladığından avtomobil idarəetmədən çıxaraq avtobusa dəyib. Nəticədə avtobus da aşıb.

Oxşar xəbərlər
OTACI