Bərdə rayonunda yol qəzası olub.
Bu barədə Press.az-a Daxili İşlər Nazirliyinin (DİN) mətbuat xidmətindən məlumat verilib.
Bildirilib ki, oktyabrın 12-də saat 1 radələrində rayonun Alpout kəndi ərazisində Qaradırnaq kənd sakini Q.Bayramlı idarə etdiyi “VAZ-2107” markalı avtomobillə yolu keçən kənd sakini Əvəz Əliyevi vurub. Nəticədə piyada aldığı xəsarətlərdən hadisə yerində ölüb.
Bərdə Rayon Polis Şöbəsi tərəfindən araşdırma aparılır.