First slide

Bəzən vətəndaşların sosial sığorta ödənişləri portalda niyə görünmür? - AÇIQLAMA

12 Oct 2021 rating_stars rating_stars rating_stars rating_stars rating_stars

Dövlət Vergi Xidmətinin avtomatlaşdırılmış vergi informasiya sistemindən Əmək və Əhalinin Sosial Müdafiəsi Nazirliyinin mərkəzləşdirilmiş sisteminə məlumatların texniki səbəblərdən vaxtında gəlməməsi ilə əlaqədar olaraq bəzən vətəndaşların ödənişləri e-sosial portalında görünmür.

Press.az xəbər verir ki, bunu Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun Sosial Sığorta və Fərdi Uçot üzrə Mərkəzi Filialının direktoru Hüseyn Paşayev sosial şəbəkədəki "Sosial saat" adlı proqramında çıxışı zamanı deyib.

Onun sözlərinə görə, bu problem əsasən böyük sayda sığortaedilənləri olan müəssisələrdə baş verir:

"İşçi sayı çox olduğundan məlumatların sistemə ötürülməsində müəyyən çətinliklər yarana bilir. Nazirliyin müvafiq qurumları bununla bağlı problemlərin aradan qaldırılması istiqamətində iş aparır. Ümid edirəm ki, yaxın bir ay ərzində bu məsələ tam şəkildə öz həllini tapacaq".

Oxşar xəbərlər
OTACI
OTACI