"İnsanların COVID, yaxud da qrip olduğunu aydınlaşdıra bilməyəcəklər" - AÇIQLAMA

"Delta variantı gözləmədiyimiz bir şey deyildi. Əgər başqa bir mutasiya ilə bugünkü immunitet baryeri aşılmazsa, Delta son böyük infeksiya dalğası olacaq, amma hələ də yayılmaqda davam edəcək"

Press.az xəbər verir ki, bunu ABÇ-ın FDA qurumunun keçmiş rəhbəri dr. Skot Qottileb deyib.

Ekspert havaların soyuması ilə payızda aktivləşən qrip virusunun COVID-19 virusu ilə birgə cəmiyyətdə xəstəlik və ölüm faizinin həddən artıq çoxalmasına səbəb olacağını açıqlayıb:

"Ola bilər ki, səhiyyə qurumları bu yükə tab gətirə bilməsin. İnsanlardan kimin qrip, kimin COVID olmasını aydınlaşdırmaq üçün vaxt da olmayacaq.

Amerikada yoluxma sayının və tempinin düşdüyünü görmək üçün peyvəndləmə 80-90% əhalini əhatə etməlidir. Hələlik, bu yaxın aylarda görünmür".