Abşeronda iki avtomobil toqquşdu: Xəsarət alan var

Abşeronda yol-nəqliyyat hadisəsi olub.

Fövqəladə Hallar Nazirliyindən (FHN) verilən məlumata görə, Abşeron rayonu ərazisində “Mercedes” və “Renault” markalı iki minik avtomobili toqquşub.

Belə ki, hadisə yerinə cəlb olunan FHN-nin Xüsusi Riskli Xilasetmə Xidmətinin müvafiq xilasetmə qüvvələri sıxılı vəziyyətdə qalan sürücünü deformasiyaya uğrayan “Mercedes” markalı minik avtomobilindən çıxararaq aidiyyəti üzrə təhvil veriblər.