Göygöldə qəza olub, xəsarət alanlar var

Göygöldə yol-nəqliyyat hadisəsi baş verib.

Press.az xəbər verir ki, hadisə Gəncə-Göygöl avtomobil yolunun rayonun Toğanalı kəndindən keçən hissəsində qeydə alınıb.

Hərəkətdə olan "NİVA" markalı minik maşını ilə "KamAZ" markalı yük maşını toqquşub. Qəza zamanı 2 nəfər xəsarət alaraq xəstəxanaya yerləşdirilib.

Yaralıların vəziyyətinin kafi olduğu bildirilir.

Faktla bağlı araşdırma aparılır.