logo
First slide

Konfrans Liqasında qrup mərhələsi başlayıb, Ermənistan klubu darmadağın olub

14 Sep 2021 rating_stars rating_stars rating_stars rating_stars rating_stars

UEFA Konfrans Liqasında qrup mərhələsinin matçlarına start verilib.

Press.az xəbər verir ki, ilk oyun günündə 2 qarşılaşma baş tutub. Hər iki görüş İsraildə keçirilib.

A qrupunda Təl-Əviv "Makkabi"si Ermənistanın "Alaşkert" klubunu darmadağın edib - 4:1. Meydan sahiblərinin heyətində 13-cü dəqiqədə Stipe Peritsa, 32-ci dəqiqədə Qabi Kanixovski, 45+3-cü dəqiqədə Dani Biton və 72-ci dəqiqədə Matan Hozez fərqləniblər. Qonaqların yeganə qolunu isə 17-ci dəqiqədə Joze Embalo vurub.

Turnirin pley-off mərhələsində "Neftçi"ni mübarizədən kənarlaşdıran Hayfa "Makkabi"si isə Niderlandın "Feyenoord" komandası isə qolsuz heç-heçə edib.

Qeyd edək ki, Konfrans Liqasında I turun digər oyunları sentyabrın 16-da keçiriləcək. H qrupunda mübarizə aparan "Qarabağ" ilk görüşündə İsveçrə "Bazel"i ilə üz-üzə gələcək. Bakı Olimpiya Stadionunda oynanılacaq qarşılaşma saat 20:45-də start götürəcək.

Oxşar xəbərlər
OTACI
OTACI