Zərdabda ev yanıb-FOTO

Zərdab rayonunda fərdi yaşayış evi yanıb.

Press.az xəbər verir ki, hadisə rayonun Məmmədqasımlı kəndində qeydə alınıb. Belə ki, kənd sakini Ziyəddin Cəbi oğlu İsbatova məxsus 4 otaqlı fərdi yaşayış evində güclü yanğın baş verib. Ev avadanlıqları ilə birlikdə tamamilə yanıb. Hadisə yerinə Fövqəladə Hallar Nazirliyinin Zərdab rayon Yanğından Mühafizə İdarəsinin canlı qüvvəsi və texnikası cəlb olunub. Yanğınsöndürənlərin səyi ilə alovun digər ərazilərə keçməsinin qarşısı alınıb.

Faktla bağlı araşdırma aparılır.