Press.az xəbər saytı 07.06.2023-cü il tarixindən müvəqqəti olaraq fəaliyyətini dayandırmışdır.
First slide

Bu ölkədə COVID-19 peyvəndi körpə və uşaqlar üzərində sınaqdan keçiriləcək

13 Sep 2021 rating_stars rating_stars rating_stars rating_stars rating_stars

Finlandiyanın Tampere Universitetinin Vaksinlərin öyrənilməsi Mərkəzi koronavirus vaksininin yoxlanılması üçün 6 aydan 12 yaşa qədər körpə, uşaq və yeniyetmələrin yığımını həyata keçirir.

Press.az xarici KİV-ə istinadən xəbər verir ki, bununla bağlı elmi layihə “Pfizer” şirkəti tərəfindən hazırlanaraq maliyyələşdirilir. Layihə Finlandiyadan başqa həmçinin İspaniyada, Polşada və ABŞ-da da həyata keçirilir.

Tədqiqatda iştiraka 12 yaşa qədər sağlam uşaqlarla yanaşı, vaksinlərə qarşı allergik reaksiyası olmayan yeniyetmələr də buraxılırlar.

Qeyd edilir ki, sınaq üçün iki və yuxarı yaş qrupları üzrə körpələr seçilib və indi 6-24 aylıq körpələr, ümumilikdə 1 250 nəfər axtarılır.

Tədqiqatdan sonra preparatın tətbiqi Avropa Birliyinin nizamlayıcı orqanı – Avropa Dərman Vasitələri Agentliyi tərəfindən bəyənilməlidir. Bundan sonra gələn ilin əvvəlindən peyvəndin kütləvi istifadəsinə başlanıla bilər.

Finlandiyada hələ avqustda 12 yaşdan yuxarı yeniyetmələrin koronavirusdan vaksin edilməsinə başlanılıb.

Oxşar xəbərlər
OTACI