Parisdə COVID-19 məhdudiyyətlərinə qarşı aksiyada toqquşma

Fransada yenidən etiraz aksiyaları keçirilib.

Press.az xarici mediaya istinadən xəbər verir ki, bu gün paytaxt Parisdə sanitar normalara qarşı keçirilən etiraz aksiyasında nümayişçilərlə polis arasında toqquşmalar olub, hüquq-mühafizə orqanları gözyaşardıcı qazdan istifadə edib.

Qəzəbli kütlə onların yürüş etdikləri yolun üzərində olan restoranın oturacaqlarını, şüşə butulkalarını, külqabıları hüquq-mühafizə orqanları tərəfə atıblar.

Aksiyalar zamanı saxlanılanlar olub. Onların sayı barədə hələlik məlumat verilmir.

Xatırladaq ki, Avropa ölkələrində vaksin əleyhinə, qadağa və məhdudiyyətlərə qarşı etiraz aksiyaları keçirilir.