Bakı metrosunda nəzarət tədbirləri gücləndirilib

Sentyabrın 6-dan “Bakı Metropoliteni” QSC-nin stansiyalarında nəzarət tədbirləri gücləndirilib.

Bunu Press.az-a qurumun mətbuat xidmətinin rəhbəri Bəxtiyar Məmmədov bildirib.

Onun sözlərinə görə, yay mövsümi başa çatdığından metronun xidmətindən istifadə edən sərnişinlərin sayının artması gözlənilir: "Sərnişin sıxlığının artma ehtimalı var. Koronavirus (COVID-19) pandemiyası da nəzərə alınaraq mövcud vəziyyətin təhlilini gücləndirmək üçün nəzarət mexanizmlərinin intensivliyi artırılıb”.

Bakı metrosu fəaliyyətini bu il mayın 31-dən bərpa edib. Nazirlər Kabineti yanında Operativ Qərargahın qərarı ilə metro yalnız həftənin 5 iş günü çalışır.